Заев очекува деновиве да стигне писмената потврда од „Фајзер“ за вакцините од Србија
Премиерот Зоран Заев очекува овие денови да стигне писмената потврда од „Фајзер“ за да може вакцините од оваа компанија, кои треба да пристигнат од Србија, да ги користат здравствените работници.
Верува дека вакцинацијата ќе започне месецов, а како што денеска изјави, позитивни вести се очекуваат и од Европската унија. Првите дози од директните преговори со „Фајзер“, пак, се очекуваат кон средината на месецов.
– Нашиот договор кој го имаме со „Фајзер“, очекуваме кон средината на февруари да ги даде резултатите. Тоа се првите 5.850 вакцини со тоа што во март продолжуваме со следните 17 илјади…, рече Заев на денешната прес-конференција, одговарајќи на новинарско прашање.
Во однос на набавката на кинеската вакцина, Заев се надева дека оваа недела ќе се заокружи постапката. Вели дека во разговорите со САД и НАТО е констатирано дека набавката на вакцините не е геополитичко прашање, туку суверено право на секоја држава.
– Законските решенија се утврдени. Се работи за начин по пат на преговарање за да се постигнат максимално компетативни услови за да можеме час поскоро да ја обезбедиме и кинеската вакцина, рече Заев, додавајќи дека е обезбеден и партнер – компанијата „Алкалоид“ доколку има потреба да се оди преку партнер.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка