За пет години најзагадениот израелски град Хаифа ќе стане „зона на чист воздух“

За пет години Хаифа, третиот по големина град во Израел, кој се смета за најзагаден во земјата ќе се претвори во првата „зона на чист воздух“, соопшти израелското Министерство за животна средина. 

Хаифа во април беше во центарот на жестоката полемика, откако во извештај беше објавено дека во регионот е забележана тенденција на зголемена смртност, особено меѓу децата, што за последица има се повеќе заболувања од рак поврзани со загадениот воздух. 

Целта на итниот план на Министерството за екологија, во вредност од 330 милиони шекели (86 милиони долари) е да се намалат за 80 проценти емисиите на штетни гасови од индустриските претпријатија и за 50 отсто целосното загадување на воздухот во заливот на Хаифа, во северен Израел. 

Намалувањето на загадувањето од фабриките ќе се постигне со масовно користење на природен гас, како извор на еколошки чиста енергија.