За четири години „изградил“ црква од дрвја

Новозеланѓанецот Брајан Кокс пред четири години одлучил да изгради црква целосно од живи дрвја. За таа цел собрал разни видови дрвја и создал жива градина.

Брајан пред четири години сакал својот двор да го разубави со нешто оригинално и за таа цел почнал да одгледува дрвја со кои направил црква.

Новозеланѓанецот поседува градинарска компанија „Трилокејшн“, што нуди услуги за преместување дрвја од едно на друго место со помош на современа механизација. Тоа му помогнало да засади веќе пораснато дрво на која локација сака.

Брајан во 2011 година започнал со средување на областа, а потоа ги изработил нацртот и железната конструкција што дрвјата треба да ја следат со својот раст. Изградбата на зелена црква траела четири години, но сега таа изгледа прекрасно.