Вучиќ, Алиев и Радев утре ќе го означат почетокот на работата на интерконекторот Србија - Бугарија
Претседателите на Србија, Азербејџан и Бугарија, Александар Вучиќ, Илхам Алиев и Румен Радев и амбасадорот на ЕУ во Србија Емануел Жофре, утре во Трупале крај Ниш на свеченост ќе го означат почетокот на работата на гасниот интерконектор Србија - Бугарија, јави дописникот на МИА од Белград.
За време на престојот во Ниш, предвидени се одделни билатерални средби на претседателот Вучиќ со претседателите на Република Азербејџан и на Република Бугарија, соопштија од Службата за соработка со медиумите на претседателот.
Предвидена е и презентација на опремата и можностите на единиците на Вооружените сили на Србија, на системите за противвоздушна одбрана против дронови, на беспилотни летала и управувани воздушни и копнени борбени платформи, како и можностите на падобранските и специјалните единици, се додава во соопштението.
Завршувањето на работите на гасоводот кон Бугарија ќе овозможи побезбедно и постабилно снабдување со гас за Србија од различни извори, особено од Азербејџан.
Изградбата на новиот гасовод во должина од 109 километри од Ниш до Димитровград траеше 12 месеци. Вкупната должина на двонасочниот гасовод Србија - Бугарија е 170 километри, од Нови Искар, кај Софија, до Ниш.
Србија потпиша договор за интерконекција со Булгартрансгас и комерцијален договор за снабдување до 400 милиони кубни метри гас од Азербејџан до крајот на 2024 година.
Вкупната вредност на гасниот интерконектор Ниш - Димитровград - Бугарија е 85,5 милиони евра. Проектот е делумно финансиран преку грантови од ЕУ, во износ од 49,6 милиони евра, како и поволен заем од 25 милиони евра од Европската инвестициска банка, кој Србија ќе го плати за делот од гасоводот што минува низ Србија.
За овој проект Република Србија издвои 15 милиони евра и 7,5 милиони евра за подготвителни работи и проектирање.
Гасот сочинува 13 отсто од потрошувачката на примарна енергија во Србија и досега можеше да се добие само од две влезни точки, преку гасоводот Балкански тек и од Унгарија.
Ново на Сител
-
Ватикан: Исходот од преговорите во Истанбул е трагичен
-
Почина Камерунецот Кунде
-
ФФМ го поништи натпреварот Кожув – Башкими, дисциплинска постапка против двата клубови
-
Москва „генерално задоволна“ од преговорите во Истанбул, договорена размена на илјада воени затвореници
-
Вучиќ: Во Тирана разговарано за инфраструктурните проекти, изградбата на гасовод меѓу Србија и Северна Македонија
-
Крадел на градилиште и откако чуварот го затекнал, го претепал и се заканил дека ќе го убие
-
Мицкоски: Историски ден за Македонија
-
21-годишник од Скопје поседувал средства за фалсификување и неовластено влегувал во компјутерски системи | ФОТО