Втор брод со помош од Турција за Газа пристигна во Египет
Втор турски брод со хуманитарна помош за Газа пристигна во египетското пристаниште Ел Ариш, јавуваат турските медиуми. Бродот носи 1.500 тони храна, медицински материјали и материјали за засолништа.
Турскиот амбасадор во Каиро, Салих Мутлу Шен и претставници на Црвената полумесечина го пречекаа бродот, според турската државна телевизија ТРТ Хабер.
„На бродот има 1.500 тони хуманитарна помош. Целиот брод е полн“, рече амбасадорот, прецизирајќи дека помошта се состои особено од конзервирана храна, вода, зимска облека, шатори, генератори, амбулантни возила и медицински материјали.
Посочи дека одделно, со авиони се испорачани 300 тони материјали и додаде дека помошта од бродот ќе биде истоварена денеска или најдоцна утре.
„Помошта ќе биде доставена до сиромашните луѓе во Газа што е можно поскоро“, рече Шен.
Претходно турски брод натоварен со теренска болничка опрема, амбулантни возила и генератори за лекување на повредените од Појасот Газа пристигна во Египет на 13 ноември.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд