Времен сообраќаен режим на дел од булеварот „Партизански одреди“ во Влае
Град Скопје соопшти дека поради извршување на градежни работи во рамки на реконструкцијата на булеварот „Партизански одреди“ во Влае, како и поради извршување градежни работи на топловодната мрежа од страна на БЕГ, денеска во периодот од 10 до 18 часот дел од оваа делница ќе биде целосно затворена за сообраќај.
Поради затворање на сообраќајната делница поради асфалтирање во правец од Ѓорче Петров кон Карпош, на потегот од кружниот тек кај Порта Влае до мостот Влајко, сообраќајот ќе се одвива преку улицата „Ацо Шопов“, па десно по улица „Иван Цанкар“ каде возилата ќе се вратат на булеварот „Партизански одреди“ пред мостот Влајко.
Поради овие градежни работи целосно ќе се пренасочат и автобусите од јавниот превоз, каде во правецот Ѓорче Петров - Центар, автобусите ќе сообраќаат по истата рута, а денеска нема да функционира автобуската постојка бр. 292 - Порта Влае.
Од Град Скопје апелираат сите учесници во сообраќајот да бидат внимателни, да ја приспособат својата брзина на движење според условите на патот и да ја почитуваат поставената сообраќајна сигнализација
Ново на Сител
-
Состојба на патиштата
-
Сончево со јужен ветер
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома