Воз удри кола на преминот Горно Оризари - едно лице пренесено во болница

Се судрија воз и берлинго кај Горно Оризари.

- На 18.07.2021 во 16.30 часот било пријавено дека на пругата помеѓу железничките станици Велес и Чашка, поточно на патен премин кај с.Горно Оризари се случила сообраќајна незгода помеѓу товарен воз кој сообраќал на релација Прилеп-Трубарево и патничко возило „цитроен берлинго“, со велешки регистарски ознаки, управувано од Е.П.(46) од Велес, информира МВР.

Во незгодата, возачот Е.П. се здобил со тешки телесни повреди, констатирани во Медицинскиот центар Велес.

Извршен бил увид на местото на незгодата од увидна екипа од СВР Велес.