Вооружен упад во трговски центар во реонот на Париз

Вооружени лица уторво упаднаа во продавница во трговскиот центар во Вилнев-ла-Гарен во Горна Сена во регионот на Париз, со цел да извршат грабеж. 

По три часа 18 вработени во продавницата „Примарк“, кои по нападот се сокриле во кантина во трговскиот центар „Кварц“, беа евакуирани од специјалните полициски сили РАИ.

- Осумнаесет луѓе се евакуирани во 10:30 часот. На еден од нив му се слошило, но нема повредени, изјави извор од полицијата, додавајќи дека „пребарувањето продолжува со цел да се лоцира тројцата криминалци“.

Се уште е нејасно дали тие држат како заложници и други вработени во трговскиот центар.

Нападот беше пријавен од страна на вработена во продавница „Примарк“, која испратила СМС порака во 07:01 часот до нејзиното момче за да му каже „дека се задржани како заложници од страна на две вооружени лица“.