Водици 2024: Ќе се положува богојавленскиот крст во Кисела Вода
Општина Кисела Вода ја продолжува возобновената традиција за положување на Светиот Крст во осветените води, како дел од прославата на Водици. Настанот ќе се одржи во базенот ,,Расадник”, во петок на 19-ти јануари 2024год. И оваа година, манифестацијата започнува од храмот Св. Ѓорѓија во 10:30 часот, од каде градоначалникот Ѓорѓиевски со Богојавленска литија заедно со верниците и свештенството ќе се упатат кон базенот во Расадник. Осветувањето на водата и положувањето на Светиот Крст ќе се случи во 11:00 часот, а за најсреќниот учесник се обезбедени награди од градоначалникот и од повеќе спонзори.
- Со огромно задоволство сакам да ве информирам дека ја продолжуваме возобновената традиција за положување на Светиот Крст во осветените води, како дел од прославата на Водици. Настанот ќе се одржи во базенот ,,Расадник”, во петок на 19-ти јануари. И оваа година, манифестацијата ја започнуваме од храмот Св. Ѓорѓија во 10:30, од каде со Богојавленска литија заедно со верниците и свештенството ќе се упатиме кон базенот во Расадник. Осветувањето на водата и положувањето на Светиот Крст ќе се случи во 11:00 часот.
За најсреќниот учесник што ќе го извади Богојавленскиот Крст од водите e предвидена парична награда од мене како градоначалник, како и награди обезбедени од спонзори.
Ве поканувам сите да земеме масовно учество на овој преубав настан, на Богојавленската литија и да бидеме дел од продолжувањето на нашата возобновена традиција, сплотени и духот на христијанските вредности да си го прославиме овој убав и голем празник. Традицијата која ја започнавме пред две години продолжува и ќе остане аманет за идните генерации-изјави градоначалникот Орце Ѓорѓиевски.
Заинтересираните треба да се пријават најдоцна до четврток, 18.01.2024, 18 часот, на телефонскиот број: +389 78207687 (Далибор). Истите ќе треба да потпишат изјава дека се во добра здравствена состојба.
Општина Кисела Вода
Ново на Сител
-
ВМРО-ДПМНЕ, Вреди, ЗНАМ пред финален договор - распределени министерствата и претседател на Собранието
-
ДИК одлучува за гласањето во Желино
-
Пукање на Пластичарска: еден загинат, двајца ранети
-
Две сообраќајки за само 4 часа на влезот во Штип
-
Демири не знае од каде е смрдеата во хируршките сали – нема ни одговорност за крахот на системот
-
Демири се закани дека вработените во болницата во Лешок ќе останат без плата
-
ССМ: За една година трошоците за живот повисоки за 200 евра
-
Земјоделците го блокираа центарот на Струмица, бараат повисоки откупни цени на градинарското производство