Во Велес заврши етно работилница за копаничарство и резбарство наменета за основците

Во куќата на Касапови во стариот дел на Велес заврши со работа првата копаничарско-резбарска етно работилница наменета за велешките основци, во организација на Здружението на граѓани „Разбој“ под покровителство на Општина Велес.

 

Филип Спирковские млад копаничар од Велес, кој заедно со својот повозрасен и поискусен колега Љубомир Бисин, во изминатите 15-тина дена ја водеше работилницата, потенцира дека имало голем интерес за учество на велешките основци.

 

- Во оваа прва етно работилница за копаничарство и резбарство имаше голем број на пријавени, но поради малиот простор на работилницата и неопходниот алат годинава замаа учество 18 основци.Учениците  од 15 јуни до денеска вредно работеа и навлегоа во основите на овој древен занает. Тие изработија десетина дела - резби на ореово дрво кои денеска ги лакираа, а потоа и ќе ги врамиме и презнетираме на јавноста.Најважно е што е постигната целта, за продолжување на овој древен занает - копаничарството меѓу младите генерации, потенцира Спирковски.

 

Инаку, во неколкуте  спомен куќи во стариот дел на Велес  пред неколку дена завршија со работа и традиционалните  седми по ред  етно работилници за ткаење, плетење, столарство, грнчарство и изработка на накит.