Во Велес изложба на Петра Јовановска и Валентина Илијевска
Во Ликовниот салон во Велес синоќа беше отворена изложбата „Круг и квадрат“ на академските ликовни авторки Петра Јовановска и Валентина Илијевска.
Како што појасни Елица Николова директор на велешкиот Народен музеј која зборуваше за изложбата, над 30-те дела коишто се презентирани на изложбата, се работени во комбинирана техника со нагласена употреба на колажот, графиката и дигиталниот принт.
- Двете авторки ги претставуваат своите концепти и истражувања во рамките на современиот визуелен израз базиран на дигиталната технологија и геометризирана структура, движејќи се по скалата од симплифицирани решенија до сложено структуирани композиции, потенцира Николова.
Изложбата се реализира во соработка со Музејот на град Велес и НУ Центар за култура „Трајко Прокопиев“ од Куманово којшто е организатор и координатор на проектот.
Петра Јовановска е родена во Јесеник, Чешка, дипломирала на Факултетот за ликовни уметности во Скопје, отсек Графика. Има реализирано голем број самостојни изложби и учествувано на повеќе групни изложби и колонии во земјата и странство.
Валентина Илијевска е родена во Скопје, живее во Куманово, дипломирала на Факултетот за ликовни уметности во Скопје, отсек Графика и графички дизајн. Магистар е по конзервација и реставрација на ѕидно сликарство. Има реализирано голем број на самостојни изложби и учествувано на групни изложби и колонии во земјата и странство.
Популарно од Македонија
Ново на Сител
-
Нови ограничувања за казината: Забрана за реклами, да се оддалечат на пола километар од секое училиште
-
Познат идентитетот на двајцата загинати и тешко повредениот во сообраќајката на експресниот пат Прилеп - Градско
-
Трамп: САД се обидоа да испорачаат оружје за иранскиот народ, но Курдите нè изневерија и го задржаа за себе
-
Од утре граѓаните ќе можат да го користат правото за обука за управување на мотоцикл до 125cm³ во автошколи кои имаат лиценци за „А1“ категорија
-
Повторно активен пожарот кај Штип, зафатени викендици, повредено едно лице
-
Судење за „Пулс“: Обвинителството презентираше докази за агенцијата „Рубикон“, одбраната тврди дека тие ја докажуваат законитоста на фирмата
-
Трамп: САД повторно ќе го нападнат Иран, ќе го заземат островот Харг
-
Четиринаесет-месечно дете од Куманово затруено со средство за чистење
