Во Струга до 17 часот излезноста за претседател 23 проценти, за парламентарните избори 35 отсто, во Вевчани над 63 проценти

До 17 часот во Струга и струшко за претседател гласале 23 проценти од регистрирани 61.496 гласачи во единствениот избирачки список. За парламентарните избори пак излезноста е 35 проценти, информира претседателот на Општинската изборна комисија Минир Жута.

Во Вевчани, според претседателката на ОИК Менка Кукоска, за избор на претседател и за пратеници гласале над 63 отсто од регистрираните 2.072 гласачи.

Во двете општини, како што потврдија од општинските изборни комисии гласањето се одвива тековно.