Во напад на плажа на Брегот на Слоновата коска 12 мртви
Најмалку 12 лица денеска се убиени, меѓу кои и четворица Европејци, во оружениот напад на плажа во летувалиштето во Гранд Басам на југот на Брегот на Слоновата коска.
Очевидци кои направиле видео снимки од нападот посочуваат дека на местото виделе тела на најмалку седум жртви.
- Видов седуммина мртви и тоа го снимив. Беа четворица напаѓачи. Јас пливав кога сето тоа почна и потоа побегнав, изјави Драман Кима за британските медиуми.
Си-Ен-Ен го пренесе соопштението на Владата на таа земја во кое се наведува дека вооружени напаѓачи отвориле оган на луѓето на плажата пред два хотели во летовачиштето Гранд Басам. Во соопштението се додава дека безбедносните сили одговориле на нападот.
Очевидци раскажуваат дека имало најмалку 13 напаѓачи, кои пристигнале со чамци, слегле на плажата извикале „Алах Акбар“ и отвориле оган кон посетителите.
Локалните медиуми соопштија дека петмина од напаѓачите се мртви, а по другите се уште се трага.
Ново на Сител
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време
-
Саливан: САД засега немаат системи за противвоздушна одбрана „Патриот“ кои би можеле да ги испратат во Украина
-
Земјотрес со јачина од 6,9 степени по Рихтеровата скала го погоди југозападниот дел на Јапонија
-
Промовирана новата генерација полициски службеници
-
Претрес во Штип, пронајдена дрога