Во Кавадарци одбележан Меѓународниот ден без автомобили
Околу 200 ученици денеска во Кавадарци организирано возеа велосипеди, со што беше одбележана Неделата на мобилност која трае од 16 до 22 септември и Меѓународниот ден без автомобили.
- Традиционално секоја година па и оваа, го одбележуваме Светскиот ден без автомобили. Учениците од гимназијата „Добри Даскалов” масовно учествуваа во оваа активност, со возење на велосипеди. Годинава ни се приклучија и ученици од Основното општинско училиште „Страшо Пинџур” и од Спортската академија при Земјоделско шумарското училиште „Ѓорче Петров”, соопшти професорот Блаже Велков.
Тој нагласи дека секоја пролет исто така, како училиште организираат слична ваква активност, насловена „Сите на велосипед”. И тогаш во возењето велосипеди, им се приклучуваат и други заинтересирани ученици.
- Изразуваме благодарност до припадниците на Министерството за внатрешни работи кои секогаш ни излегуваат во пресрет и ни ја обезбедуваат колоната од ученици на велосипеди, која се движи низ улиците на градот. Благодарни сме и до Службата за итна медицинска помош чие возило редовно не следи при ваквите наши активности. Нивна интервенција досега не била потребна, но тие се тука за секој случај, додаде професорот, информирајќи дека ја имаат поддршката на локална самоуправа Кавадарци.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка