Во Истанбул денеска ќе има тројни средби на претставници на САД и Турција со Украинците и Русите

Во Истанбул денеска треба да се одржат тројни средби на претставници на Турците, Американците и Русите од една страна, како и на Турците, Американците и Украинците од друга страна, јавија синоќа извори блиски до турското Министерство за надворешни работи.

„Уште една рунда состаноци ќе се одржи утре во различни формати. На дневен ред се трипартитни преговори на САД, Украина и Турција, како и Русија, Украина и Турција. Не е сигурно дали состанокот ќе се одржи во четиристран формат (САД, Русија, Украина, Турција)“, додадоа истите извори.

Украинскиот претседател Володимир Зеленски синоќа испрати украинска делегација во Истанбул на преговори со Русите, предводена од министерот за одбрана Рустем Умеров.

Меѓутоа, рускиот претседател Владимир Путин, кој ги предложи директните преговори меѓу Русија и Украина, не дојде и дури вчера објави дека руската делегација ќе ја предводи неговиот помошник Владимир Медински, што предизвика незадоволство и кај Украина и кај САД.