Во Грција разбиена група која продавала лажни документи на илегални мигранти

Грчката полиција соопшти дека разбила голема криминална мрежа која овозможувала илегални имигранти да добијат лажни идентитети и да патуваат слободно во Европа.

Полицијата соопшти денеска дека уапсени се 20 луѓе во области околу Атина. Клучен дел од активностите на криминалната група било продавање на лажни документи на Албанци, за да заминат од Грција до Велика Британија.

Откриени се четири локации каде се изработувале документите со високо софистицирани машини и кои клиентите ги добивале за неколку часа по нарачката. Криминалната група наплаќала по 500 евра за пасош, додека други документи имале пониска цена.

Криминалната група била разбиена во соработка со полиции од други држави ов Европа.