Во Глумово нова фабрика за преработка на месо
Современа, напредна технологија според меѓународните стандарди за поефикасно, полесно, побрзо и уште поквалитетно производство, како и 30 вработувања, донесе новиот погон за преработка на месо што денеска го отвори фабриката „Тиамо“ во Глумово, Општина Сарај.
Станува збор за инвестиција вредна четири милиони евра, дел поддржана од ИПАРД.
-Ова е резултат на нашата макотрпна работа повеќе од десет години, на нашата долгорочна, развојна цел, но и резултат на институционалната поддршка, рече сопственикот Хајурн Сулејмани.
Според премиерот Зоран Заев, кој присуствуваше на отворањето заедно со министерот за земјоделство Трајан Димковски и со градоначалниците на Скопје и на Општина Сарај, Петре Шилегов и Блерим Беџети, новата фабрика на „Тиамо“ е уште еден успешен пример како со помош на европските фондови може да се унапреди, развие и осовремени производството.
-Нашата цел е да ја направиме конкурентна и извозно ориентирана месната индустрија, а потенцијалот за тоа е голем. „Тиамо“ е одличен пример за придобивките од ИПАРД и за поддршката што ни ја дава ЕУ, истакна Заев.
И градоначалникот Реџепи ја нарече успешна приказната на „Тиамо“, најавувајќи во наредниот период уште четири до пет нови инвестиции. Општината, нагласи, останува отворена за соработка со бизнис секторот.
-„Тиамо“ е само еден доказ како кога некое семејство се посветува на бизнисот, резултатите не изостануваат, особено ако има поддршка од локалната и централната власт. Ова нека биде почеток. По десет години очекувам повторно да е соберете, за нов капацитет. Ви стоиме на располагање, дополни Шилегов.
Новиот ојектот за преработка на месо во Глумово зафаќа површина од 3.000 метри квадратни.
Ново на Сител
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа