Во Гевгелија се уредуваат улици и тротоари

На неколку локации во градот Гевгелија и населените места денеска почна уредувањето на улици и тротоари со павер елементи.

- Целата улица „Ристо Јанев“ и двата нејзини помали краци ќе бидат поплочени со павер елементи бидејќи согласно урбанистичката документација станува збор за пешачка улица по која жителите од тој дел на градот повеќе нема да газат по кал, информираат од Одделението за урбанизам.

Со оваа акција со павер елементи ќе бидат поплочени и други тротоари и помали улички со вкупна површина од 1.500 метри квадратни. Со павер елементи беа поплочени и целосно уредени патеките до новата спортска сала во Миравци и до реконструираното подрачно училиште во Кованец.