Во Гевгелија се реализира проект за обезбедување дополнителни количини вода
Реализацијата на проектот за обезбедување на дополнителни количини здрава вода за пиење, на Гевгелија и населените места кои се снабдуваат со вода од регионалниот водовод наскоро ќе им го реши водоснабдителниот проблем, информира денеска градоначалникот Иван Франгов.
Франгов нагласи дека проектот за новите бунари кај Вардар е готов, дека општината ја затвори финансиската конструкција за обезбедување на потребните 1,5 милиони евра за негова реализација и оти најдоцна до крајот на оваа година ќе биде распишан и јавниот повик.
Покрај ова, Франгов посочи дека моментно во Гевгелија во фаза на реализација се неколку инвестициски проекти вредни 25 милиони евра, меѓу кои ги издвои пречистителната станица и втората фаза од изградбата на градскиот пазар и вети дека општината ќе продолжи да ги подобрува условите за живот на своите граѓани.
- Пред некој ден, на денот на ослободувањето, почна изградбата на сообраќајната инфраструктура на клучката кај Милци која ќе обезбеди предуслови за реализација на мултинаменскиот комплекс, а од позначајните зафати ни претстои реализацијата на втората фаза од изградбата на одводниот канал „Рауљ“ за што се одобрени 300.000 евра од ИПА програмата. Секако треба да се спомене и најголемата приватна инвестиција на австриската компанија „Новоматик“ за проширување на хотел-казиното „Фламинго“ која е во тек на реализација, рече гевгелискиот градоначалник Иван Франгов.
Ново на Сител
-
Локални избори во Србија: СНС прогласи победа, опозицијата тврди – Ниш и Чачак се слободни градови
-
Нетанјаху може да издржи подолго на власт од Бајден
-
Земјотрес со јачина од 5,9 степени според Рихтеровата скала го погоди јапонскиот остров, на кој на Нова година загинаа 230 луѓе
-
Променливо облачно со сончеви периоди и со локална појава на пороен дожд и грмежи
-
Состојба на патишта
-
Манолева: Договорени се алтернативнин решенија за хируршките сали
-
ЦУК: Нестабилност со пороен дожд и грмежи подолго време се задржува околу Кавадарци, Неготинио и Демир Капија
-
Димитровска: По верификација на мандатот именуваните и избраните лица треба да се откажат од сите претходни функции