-->
-->
Во Германија разбиена опасна група кибер криминалци
-->
Во Германија повеќе од 1.000 иследници ноќеска влегле во над 120 домови и канцеларии, поврзани со осомничени лица за кибер криминал, како и оператори на тајни интернет форуми, што се користеле за трговија со шверцувана стока, оружје, дрога и лекови, јавува дописникот на МИА од Берлин.
Според германските медиуми, операцијата, што паралелно се одвивала и во Летонија и Велика Британија, имала за цел да ги открие лицата поврзани со интернет сајтот crimenetwork.biz ,таканарачен сајт на “црниот интернет“ (Darknet), каде се одвивале илегални трансакции и трговија.
Во овој дел од интернет просторот се користи криптирана мрежа што е достапна само преку софтвер, што не го открива идентитетот, како пребарувачот „Тор“.
Во изјавата на германската федерална полиција се вели дека претрагите се случуваат по четиримесечна истрага во која иследниците провериле над милион постови и приватни пораки на околу 260 членови на форуми.
Полицијата досега успеала да идентификува 153 членови вклучувајќи и 11 лидери на криминалната група, која се соочува со казна за формирање на злосторничко здружување.
Паралелно со потрагата по овие криминалци, германската полиција, заедно со своите европски колеги, успеале да откријат криминална група која со помош на илегален софвер успеала да добие банкарски шифри преку копии од СИМ картички на мобилни телефони на граѓани со кои ги празнела нивните банкарски картички. Лицата осомничени за овој криминал се од Белорусија, Казахстан, Германија, како и еден Молдавец, кој живеел во Лондон.
-->
-->
-->
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат