Во Франција разбиена мрежа за префрлање на илегални имигранти во Британија

Повеќе од десет лица се приведени во заедничка операција на полициите на Франција, Велика Британија и Белгија за разбивање на мрежа за незаконско префрлање на мигранти на британска територија.

Преку таа мрежа најголем број илегални имигранти во Велика Британија биле од Виетнам. Криумчарите на илегралните имигранти им обезбедувале престој во Париз и во Денкерк, а потоа биле префрлани во Велика Британија со камиони. Дел од камионите со илегалните имигранти тргнувале од Белгија.

Илегалните имигранти во Велика Британија биле зависни од две лица, кои ги терале да работат незаконски се додека не го исплатат превозот, кој чинел од 8.000 до 12.000 фунти.