Во Битола фестивал на аматерскиот документарен филм „Камера 300“
Во Битола се одржува 23. издание на меѓународниот Фестивал на аматерскиот документарен филм (ФАДФ) – „Камера 300“.
Годинава на ФАДФ „Камера 300“ учествуваат 51 автор од 11 држави во Европа, посочи Стефан Хаџиандоновски, претседател на Советот на фестивалот и на кино клубот „Студио Милтон Манаки“-Битола, организатор и домаќин на овој традиционален културен настан.
- Жирирањето на пристигнатите филмови почна синоќа и ќе се одвива во наредните два денови, а во петок навечер ќе ги доделиме фестивалските награди и признанија. Годинава ФАДФ посебно ја слави 110 годишнината од снимањето на филмот„Предачки“ на браќата Јанаки и Милтон Манаки со нивната позната камера „Биоскоп 300“, нагласи Хаџиандоновски.
Фестивалското жири го предводи Стефан Сидовски, мајстор на аматерскиот филм, а како и во изминатите години, на најдобите автори ќе им бидат доделени награда плакета на УНИКА, награда за најдобра репортажа, плакета за најдобра режија „Драги Савевски“, плакета за најдобра камера, идеја и монтажа, златна, сребрена и бронзена „Камера 300“ и највисокото ФАДФ признание – гран при плакета „Милтон Манаки“. мт/цр/09:12
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево