Во Берлин гласале 44,6 % од регистрираните гласачи

Заврши гласањето на гласачкото место 5011 во изборната единица 7 во Амбасадата на Република Македонија во Берлин, јавува дописникот на МИА од главниот град на Германија.

 

Според податоците од изборната комисија во избирачкото место 5011 до 19 часот од запишаните 585 гласачи избирачкото право го искористиле 261 македонски граѓанин со право на глас, односно 44,6 % од сите регистрирани гласачи во овој дел на Германија.

 

Во македонската мбасада во Берлин каде гласаат регистрираните македонски гласачи од неколку други градови на северот на Германија меѓу кои Хамбург, Бремен и Хановер, во текот на гласањето немало никакви проблеми. 

 

- Гласањето започна без никаква проблеми во 7 часот изутрина и се одвива во најдобар ред, изјави попладнево за МИА претседателот на изборната комисија на гласачкото место во Амбасадата во Берлин,  Сашо Марковски.