ВМРО-ДПМНЕ: Шилегов за две години својот имот го зголемил за над 200 илјади евра
ВМРО-ДПМНЕ денеска обвини дека Петре Шилегов од СДСМ за две години успеал својот личен имот да го зголеми за над 200 илјади евра, со што според нив, за брзо време претендира да ја надмине според имотниот лист и поседувањето станови неговата сопартијка Радмила Шекеринска.
Андон Чибишев од ВМРО-ДПМНЕ на денешната прес - конференција рече дека зад превезот борба против режим, Шилегов успеал за две години добро финансиски да се издигне и побара одговор од него да појасни како.
- Зошто Шилегов не објасни дали по добро разработен план сам себе си ги изнајмува становите и си наплаќа кирии од сопственото адвокатско друштво? Колкава е месечната закупнина што самиот себе си ја наплаќа? Дали сам себе си наплаќа месечен надоместок за адвокатски услуги од сопственото адвокатско друштво? Колкав е надоместокот што како трошок го фактурира на сопственото адвокатско друштво, праша Чибишев и додаде оти секој граѓанин би бил заинтересиран да дознае кој е рецептот на политичарот Петре Шилегов за, вели, волку брзо богатење.
Ново на Сител
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид
-
Вообичаен број интервенции на скопската Брза помош за продолжениот празничен викенд
-
Ден на македонскиот јазик
-
Групацијата за осигурување во вторник носи одлука дали ќе ги врати парите за полисите на граѓаните кои платија поскапо
-
Политичарите испратија пораки за мир и спокој на Велигден
-
Парламентарни избори 2024