ВМРО-ДПМНЕ: Нема поголема антиевропска кампања од тоа ДУИ да е за Европа

Нема поголема антиевропска кампања од тоа ДУИ да е за Европа. По што е европска ДУИ?  



Дали ДУИ е европска по Бекир Асани кој сред бел ден во центарот на Скопје тепаше полицајка пред очите на голем број очевидци, за после да се врши притисок врз жената да каже дека не ја тепал, туку се удрила во пајак?



Дали европско во ДУИ е Нефи Усеини кој од Охрид направи градежна џунгла и градеше кај ќе стигне?



Дали европско во ДУИ е тоа што кадар на нивната партија на чело на транспортниот инспекторат година дена не правел контрола во Беса транс, која возеше без лиценци?



Дали европски во ДУИ е можеби Шкодране Дардишта за која Владата уште нема коментар после заканите?



Или можеби европско во ДУИ е тоа што се градеа платформи на Матка, дивоградби кај Мавровка?



Кои се кадрите на ДУИ бандитите од ова соопштение?



За какви тоа европски вредности зборува ДУИ?



Кога ДУИ зборува за Европа, е исто како кога криминалец зборува за чесност.

Центар за комуникации на ВМРО-ДПМНЕ