ВМРО-ДПМНЕ: Декласифицирањето на договорите ќе влијае врз потенцијалните странски инвеститори
ВМРО-ДПМНЕ смета дека одлуката на Владата за декласифицирање и објавување на субвенциите што им се даваат на странските компании ќе влијае врз потенцијалните инвеститори и нивните намери да дојдат во државата.
Генералниот секретар на партијата Христијан Мицковски на прес-конференција рече дека ваквата одлука ќе предизвика несигурност и незадоволство кај постоечките инвеститори, ќе ја намали конкуренцијата во однос на другите држави и ќе одврати многу странски компании да инвестираат во Македонија.
- Компаниите кои доаѓаат не посакуваат јавно објавување на нивните договори и приходи по основ на субвенции, а тоа не и одговара ни на државата. Прво затоа што се откриваат позициите пред другите земји конкуренти. А, најчесто еден инвеститор во процесот на одлука „го бркаат“ најмалку 5-6 држави со различни понуди кои најчесто не се објавуваат, бидејќи секој нареден инвеститор ќе бара најмалку иста субвенција од оној кој добил најголема, што не е добро и ја става државата во подредена улога, рече Мицковски.
Тој додаде дека наместо во Македонија, странските компании ќе инвестираат во други држави, а целта на оваа владина мерка е да нема сериозен прилив на странски директни инвестиции. Во таа насока, според Мицковски, е и најавата на Владата за објавување на транспарентен ценовник или тарифник за субвенции.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево