ВМРО-ДПМНЕ: Целата одговорност сега е на Заев
ВМРО-ДПМНЕ денеска преку соопштение оценува дека целата одговорност сега е на лидерот на СДСМ кој, како што се наведува, веќе нема простор од една страна да го лаже народот за заштита на националните интереси, а од друга страна да дава ветувања за реализација на тиранската платформа.
- Криминалецот Зоран Заев јавно се обврза дека ја отфрла тиранската платформа и дека ќе престане со антидржавната и антинационална политика. Сега целата одговорност останува кај криминалецот Заев. Тој ќе мора да избере дали ќе ја отфрли двојазичноста на банкнотите, униформите и носењето на резолуција за геноцид врз албанците или ќе си го погази зборот и ќе тргне спротивно на ветувањата дадени пред сопствениот народ, се вели во соопштението.
ВМРО-ДПМНЕ посочува дека будно ќе го следи секој чекор на Заев со кој би се загрозила иднината на државата.
- Криминалецот Заев покажа дека за него вообичаена активност е да се гази Уставот, законите и Деловникот за работа на Собранието како што тоа беше сторено при обидот да го избере Талат Џафери за претседател. Мандатот на Зоран Заев е затруен плод на затруено дрво. Неговото неодговорно и деструктивно однесување нема иднина, вели ВМРО-ДПМНЕ.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите