„Витез на Редот Ѕвезда на Италија“ за Билјана Цветановска-Гугоска

Амбасадорот на Република Италија во Република Македонија Ернесто Масимино Белели во италијанската амбасада во Скопје на Билјана Цветановска-Гугоска, државен секретар во Министерството за локална самоуправа и го врачи признанието “Витез на Редот Ѕвезда на Италија”, што го  доделува  Претседателот на Републиката, за воспоставување и негување на лични и професионални релации со Република Италија, соработка во различни области и продлабочување на односите меѓу институциите и граѓаните од двете држави, соопштија денеска од Министерството за локална самоуправа.

По тој повод амбасадорот Белели истакнал дека е особено задоволен што честа да биде прогласена за „Витез на Редот Ѕвезда на Италија“ и припаднала на државниот секретар во Министерството за локална самоуправа Билјана Цветановска-Гугоска.

- Како амбасадор на Италија, со Цветановска-Гугоска успешно соработувам подолго време и благодарение на таа соработка еден важен проект меѓу Република Италија и Република Македонија наскоро ќе биде финализиран, рекол амбасадорот Белели.

Зедничката работа на програмите за соработка и развој меѓу двете држави, додал тој, резултира и со посебна кредитна линија од Италија за Македонија наменета за малите и средни претпријатија, со што Цветановска-Гугоска придонела не само за работата на Министерството, туку и за развојот на државата.

Признанието го доделува Претседателот на Италија на предлог на Министерот за надворешни работи.

- Овој чин за мене претставува голема чест затоа што доаѓа од Република Италија, земја која на Република Македонија и дава континуирана поддршка во процесот на интегрирање во Европската Унија, истакнала по добивањето на признанието Цветановска-Гугоска.

Цветановска-Гугоска му се заблагодарила на амбасадорот Белели за соработката и за подршката.

- Особено е задоволството кога работите, се залагате, а некој тоа ќе го препознае и вреднува, рекла Билјана Цветаноска-Гугоска која изразила и уверување дека соработката ќе продолжи и во иднина во интерес на двете земји и на нивните граѓани.