Вимблдон: Елиминиран победникот на Ролан Гарос Вавринка

Шампионот на Ролан Гарос Стан Вавринка го заврши настапот на Вимблдон откако вечерва во четвртфиналето загуби со 3-2 во сетови од 29-годишниот Французин Ришар Гаске.Ова за Гаске е второ полуфинале на Вимблдон, првото го играше во 2007 година.

Гаске го доби првиот сет со 6:4, а следните два му припаднаа на Вавринка со 6:4 и 6:3 и поведе со 2-1. Сепак Гаске изедначи добивајќи го четвртиот сет до 6:4.

Во решавачкиот сет Гаске направи брејк за водство од 5:3, но Вавринка врати со ри-брејк за 5:4. Гаске ја искористи 3.та меч топка во 20.гем од решавачкиот и го доби сетот со 11:9.

Во полуфиналето ќе игра против Новак Ѓоковиќ, против кого има една победа во 12 меча. Во второто полуфинале ќе играат Мареј - Федерер.

Резултати 1/4 финале:

Ѓоковиќ - Чилиќ 3-0 (6:4; 6:4; 6:4)

Гаске - Вавринка 3-2 (6:4; 4:6; 3:6; 6:4; 11:9)

Мареј - Поспишил 3-0 (6:4; 7:5; 6:4)

Федерер - Симон 3-0 (6:3; 7:5; 6:2).

Утре се играа женските полуфинални мечеви:

Гарбине Мугуруза - Агнешка Радванска

Серена Вилијамс - Марија Шарапова.