Венс не го поддржа Нетанјаху на претстојните избори

Американскиот потпретседател Џеј Ди Венс, за разлика од претседателот Доналд Трамп вчера не го поддржа израелскиот премиер Бенјамин Нетанјаху пред парламентарните избори, што ќе се одржат на 27 октомври.

– Не сум против негова поддршка, не сум за негова поддршка, – не се мешам во израелските избори. Ги поддржувам американските кандидати, а она на што сум фокусиран се среднорочните избори за Конгресот, истакна Венс зборувајќи за претстојните избори на 3 ноември, на кои се избираат дел од претставниците во двата дома на парламентот.

Трамп пред два дена му ја даде на Нетанјаху својата „целосна и комплетна поддршка“ за парламентарните избори на 27 октомври. Израелскиот премиер му се заблагодари за неговата „огромна“ поддршка пред она што се очекува да бидат тесни избори.

Воздржаноста на потпретседателот е во спротивност со неговите претходни ставови за изборите во други земји. Тој силно го поддржа унгарскиот премиер Виктор Орбан пред парламентарните избори во април. Во Германија, Ванс имаше средба и со лидерката на Алтернатива за Германија (АфД) Алис Вајдел.

MИА