Вели: Мислам дека Абази може да одговори на предизвикот – неговиот избор не беше политички

Не можам да тврдам дека изборот на Абази е политички, вели за Детектор Елвин Вели, Претседател на Здружението на обвинители.

Според него, постапката на избор е добра иако има недостатоци на кои што треба да се поработи. За Абази рече дека мисли дека тој може да одговори на предизвикот.

„Не можам да тврдам дека изборот на шефот на Организиран криминал, сега не сакам да бидам негов адвокат, е политички избор, бидејќи ние сме малку, 160 обвинители сме, повеќето се познавме меѓу себе. Лично сметам дека истиот може да одговори на предизвикот а дали, ќе видиме во текот на работата“ – потенцира Вели за Детектор.

Според него, начинот на кој што беше избран Абази е добар иако би можело да се поработи во делот на биографиите на кандидатите како и нивно претставување пред колегите кои ги гласаат.