Валс: Резолуцијата на УНЕСКО за Ерусалим содржи „катастрофални и неумесни формулации“

Францускиот премиер Мануел Валс денеска изрази жалење пред Парламентот што неговата земја ја поддржала оспорената резолуција на УНЕСКО за Ерусалим.

Според него, таа содржи „катастрофални и неумесни формулации“, кои треба да бидат избегнати.

- Во таа резолуција на УНЕСКО има катастрофални, неумесни формулации, кои се навредувачки и мора да бидат избегнати, како и гласањето, истакна францускиот премиер.

Валс нагласи дека резолуцијата, во која се зборува за „окупирана Палестина“, нема на никаков начин да ја смени политиката на Франција кон израелско-палестинскиот конфликт.