Вајнстин побара да му биде поништена пресудата за силување
Поранешниот холивудски продуцент Харви Вајнстин (69) вчера побара од Апелациониот суд во Њујорк да ја отфрли пресудата за сексуален напад и силување, според која тој е виновен, и да отпочне ново судење, пренесува Танјуг.
Вајнстин беше осуден во март 2020 година од судијата Џејмс Бурк, во Судот во њујоршката општина Менхетн, на 23 години затвор, за напад врз поранешната помошничка Мими Хејли и за силување на глумицата Џесика Ман. Тој порекна дека имало сексуални односи без заемна согласност.
Вајнстин изнесе неколку аргументи со намера да ја поништи одлуката на судијата, што неговите адвокати го нарекоа „ужасно неквалификуван да изрече толку строга казна“. Тој смета и дека судијата направил неколку грешки со што ја ускратил непристрасноста на поротата.
Доколку му биде поништена казната, Вајнстин се соочува со обвиненија од пет други жртви од Лос Анџелес во времето од 2004 до 2013 година, за што му се заканува казна затвор од 140 години.
Ново на Сител
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија
-
Земјотрес во Грција со јачина од 5,7 степени
-
Петровска: Судот донесе одлука дека Ковачки неправедно ме клеветел