Ужас во БиХ- Татко си ги убил трите мали деца, па се обесил
Мажот кој вчера во Бихаќ во Босна и Херцеговина, ги убил своите три деца, а потоа извршил самоубиство, според неофицијални информации, се вика Адмир Совиќ и има 37 години, пишуваат медиумите во БиХ.
Тој неодамна се доселил во бихаќката населба Мали Луг, а денеска околу 17 часот се одлучил на монструозниот чин, кога ги убил своите малолетни деца, а потоа и себе.
– Полицијата околу 17 часот доби дојава дека С.А. (1981) ги убил своите три малолетни деца во населбата Мали Луг, а потоа извршил самоубиство, соопштено е од Министерството за внатрешни работи.
Трагедијата во полиција ја пријавил шурата на Совиќ, а кога стигнала полицијата на местото на настанот ги затекнала мртви телата на четирите лица. Според неофицијални информации, покрај телото на Совиќ пронајдени се телата на две машки деца и едно девојче.
Соседите велат дека Совиќ се занимавал со поправка на земјоделски машини и дека живеел со сопругата и децата како потстанар. Додаваат дека не го познавале добро, како ни неговата сопруга, бидејќи тука се доселила неодамна.
Совиќ, наводно, и на сопругата и рекол дека ќе ги убие децата и ќе се самоубие, ако таа го остави.
Како што јави Олобоѓење, едно од децата било во трето одделение, а другите две се уште биле во претшколска возраст.
Увидот кој долго траеше го извршија повеќе истражители и полицајци.
Од МВР на Унско-санскиот кантон за медиумите соопштија дека до завршувањето на истрахата нема да објавуваат никакви информации.
Овој стравичен настан ги вознемири жителите на оваа бихаќска населба, а причината поради која 37-годишниот маж се одлучил на ваков грозоморен потег, се уште не е позната.
Ново на Сител
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228
-
Папата им го честиташе Велигден на православните христијани