Утре стартува турнирот во мал фудбал „Скопје 2017“

Празникот на независноста 8. септември е денот кога ќе започне 6. издание на најголемиот турнир во мал фудбал во Скопје кој се игра за награден фонд од 300 илјади денари.

Свеченото отворање е закажано во 21 часот во петок а турнирот се игра под покровителство на град Скопје и градоначалникот Коце Трајановски и со поддршка на општина Аеродром во Ново Лисиче.

Организаторите велат дека имаат веќе солидна бројка на екипи и дека пријавувањето привршува денеска до 17 часот.

Извлекувањето на групите е закажано за во 20 часот во СЦ Аеродром во ОУ Блаже Конески.