Ураганот „Бони“ ги зафати Централна Америка и југозападниот брег на Мексико
Тропската бура „Бони“ од синоќа се претвори во ураган од прва категорија, зафаќајќи го југозападниот брег на Мексико и земјите на Централна Америка, притоа предизвикувајќи смрт на најмалку три лица и значителна материјална штета во Ел Салвадаор и Никарагва.
Националниот центар за урагани на САД соопшти дека ветрот предизвикан од ураганот достигнал постојана силина и е со брзина од над 130 километри на час.
„Бони“ е третиот ураган што оваа оваа сезона ги зафати североисточните области на Тихиот Океан. Тој копнените делови на Карибите ги зафати како тропска бура, носејќи обилни врнежи дожд низ регионот, за од границата Никарагва-Костарика да се префрли во тихоокеанското подрачје.
Салвадорскиот претседател Најиб Букеле преку „Твитер“ објави дека денеска нема да се одржува настава во училиштата низ целата држава.
Ураганот вечерва би можел да достигне втора категорија и ветар до 177 километри на час, со прогноза дека ќе се движи паралелно со мексиканскиот брег за од среда да се оддалечи од копното, соопшти Мексиканската национална метеоролошка служба.
Мексиканската метеоролошка служба предупреди дека ураганот може да предизвика интензивни врнежи и лизгање на земјиште, поплави и бранови до пет метри височина.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп