УНИЦЕФ и Оланд побараа заштита на децата жртви на војни

Детскиот фонд на ОН (УНИЦЕФ) и претседателот на Франција, Франсоа Оланд ја повикаа меѓународната заедница да вложи повеќе напори за заштита на над 200 милиони деца во зоните каде се водат војни, кои останале сираци и се експлоатирани како малолетни војници или како сексуални робови.

Оланд ја отвори денеска во Париз меѓунаодната конфренција, во која учествуваат претставници на над 80 земји.

Тој истакна дека прашањето не трпи одлагање „пред лицето на кошмарот и на убиство на невиното детство“. 

Целта на организаторите е да бидат координарани напорите за ослободување и реинтегрирање во општеството на илјадници деца војници од Судан и Сомалија и илјадници девојчиња, кои насилно се омажени во Нигерија и Авганистан.