Унгарски автобуси превезуваат мигранти од Хрватска кон границата со Австрија
На унгарскиот граничен премин Беременд денеска пристигнаа 21 автобус од Хрватска со околу 1.300 бегалци, за кои Унгарците испратија свои возила, кои потоа ги превезуваат кон границата со Австрија.
Претставник на унгарската полиција информира дека имигрантите се пренесуваат до два регистрациски центри во близина на границата на Унгарија со Австрија.
Весникот „Јутарњи лист“ пишува дека на тој начин е создаден коридор кон западните земји, а наскоро на границата се очекува да пристигнат уште автобуси.
Автобусите, кои ги оставаат мигрантите на преминот Беременд, се враќаат во хрватскиот град Бели Манастир за да ги земат останатите мигранти.
Од Бели Манастир попладнево кон Унгарија се упати воз со над 1.000 бегалци, кој од утринава на стоеше на железничката станицата во овој хрватски град.
Унгарските медиуми јавија дека возот доцна попладнево пристигнал на железничката станица во унгарското погранично село Маѓарбоја.
„Јутарни лист“ наведува и дека во следните часови се очекува и зголемен прилив на бегалци од Загреб на граничниот премин Хармица на хрватската граница со Словенија.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот