УНЕСКО: 34 милиони деца во конфликтнити зони не одат на училиште

Околу 34 милиони деца, пред се од најсиромашните слоеви во земјите зафатени со вооружени конфликти, не одат на училиште, соопшти Организацијата на ОН за образование, наука и култура (УНЕСКО).

Како што јави ТАСС, според податоците на УНЕСКО, за образование на децата во земјите зафатени од војна се потребни 2,3 милијарид долари, што е 10 пати повеќе од средствата за хуманитраната помош што им се достава за лицата во овие подрачја.  

- Во земјите зафатени од војни постои двојно поголема веројатност децата да останат неписмени, отколку во државите во кои владее мир, посочува УНЕСКО во соопштението.

Според Организацијата, дури 90 проценти од девојчињата и 60 проценти од момчињата во конфиктните зони би можеле да останат без образование.