Турската армија интензивно ги гранатира зоните под контрола на Курдите во северна Сирија
Турската армија изведува интензивни гранатирања врз регионите што се под контрола на Курдите во северна Сирија, пренесуваат француските медиуми, повикувајќи се на Сирискиот центар за мониторинг на човековите права.
Нападите почнале пред повеќе од пет часа и се уште траат, забележува оваа невладина организација со седиште во Лондон, која располага со широка мрежа информатори во Сирија, јавува БТА.
„Турција ги бомбардира курдските зони во северниот дел на провинцијата Алепо, во својот досега најмоќен напад врз овие зони од почетокот на бомбардирањата на курдските позиции, од пред неколку дена“, посочи Центарот.
Директорот на организацијата, Рами Абдел Рахман, за француските медиуми посочи дека турските напади се насочени не само врз неодамна заземените региони од курдска страна во северна Сирија, туку и врз нивниот бастион Африн.
Напредувањето на курдските „Сили за заштита на народот“, кои од воздух се поддржани од Русија, ја загрижи Турција, која од саботата почна да ги бомбардира. Пред извесно време курдските сили во Сирија во северниот дел на провинцијата Алепо, во непосредна близина на турската граница, зазедоа неколку села, кои досега беа контролирани од бунтовниците.
Турција вчера по првпат го нападна Африн. Во бомбардирањето беа убиени двајца, а ранети уште 28 цивили, информира директорот на Центарот.
Ново на Сител
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра