Турција продолжува со нападите на курдските позиции во Сирија
Во третиот ден од операцијата „Извор на мирот“ во Сирија, турски воени авиони и артилерија продолжија да стрелаат кон курдските позиции во северниот дел на земјата. Во офанзивата досега загинаа стотици луѓе, а десетици илјади жители ги напуштија своите домови.
Утрово турската армија го нападна подрачјето Рас ал Ајин, еден од двата сириски погранични градови, а очевидци велат дека се слушаат пукотници, пренесува Танјуг.
Турција, исто така, продолжи да го гранатира и подрачјето во близина на градот Тел Абид, на околу 120 километри западно од Џејчанпинара, велат очевидци.
Турското Министерство за одбрана претходно соопшти дека досега „неутрализирале 277 терористи“, меѓу кои и припадници на Курдската работничка партија и на Единиците за заштита на народот.
Турското МО соопшти дека во операцијата загинал и еден турски војник.
Според тв станицата Ал Арабија, во турските воздушни напади во изминатите 24 часа загинале 17 цивили.
Анкара пред два дена почна операција на северот на Сирија која почна со воздушни напади врз позициите на Курдите, кои Анкара ги смета за терористи.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување