Турција бара Берлин да го преиспита својот однос кон „ѓуленистите“
Турскиот министер за одбрана Фикри Ишик ги повика германските власти да го преиспитаат својот однос кон лицата осомничени за учество во ланскиот обид за воен преврат во Турција, кои побараа азил во Германија.
Како што јави Анадолија, Ишик истакна дека давањето азил на лицата осомничени за учество во пучот и за поврзаност со движењето на исламскиот проповедник Фетулах Ѓулен, предизвикува „оромно јавно незадоволство во Турција“, бидејќи станува збор за „бегалци, кои ги предале турските Вооружени сили“.
Во врска со неодамнешната одлука на Германија за дислоцирање на своите војници од турската воздухопловна база Инџирлик, Ишик изјави дека тоа е прашање за кое се одговорни властите во Берлин.
- Тоа е нивна одлука. Ние би сакале да размислат одново во врска со причините, кои ги наведоа на ваквата одлука, порача Ишик.
Тој нагласи дека Турција нема да дозволи да биде обвинета оти со своите постапки ги загрозува меѓународните напори за борба против џихадистичката група Исламска држава.
- Се договоривме преместувањето на војниците да биде извршено на начин со кој нема да биде загрозерна борбата против ИД, додаде Ишик.
Тој нагласи дека турската Влада никогаш не сакала влошување на односите со Германија, но потенцира дека Анкара очекува и Берлин да биде внимателен кон прашања кои се чувствителни за Турција.
Односите меѓу Германија и Турција се влошуја по неколку дипломатски спорови, како усвојувањето на Резолуцијата во Бундестагот за осуда на „ерменскиот геноцид“ во Отоманската Империја во текот на Првата светска војна, давањето азил на група турски офицери по неуспешниот воен удар, забраната на Берлин за одржување митинзи на турски министри на германска територија во пресрет на референдумот за уставни измени во Турција и одлуката на Анкара да им забрани на пратеници во Бундестагот да ги посетата германските војници во Инџирлик.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп