Тројца убиени откако вооружен напаѓач отвори оган во Окленд
Најмалку три лица загинаа откако вооружен маж денеска отвори оган на градилиште во најголемиот град во Нов Зеланд, пренесе ДПА повикувајќи се на локалната полиција.
Вооружен маж влегол на локацијата во центарот на Окленд околу 7:20 часот наутро. Местото е во близина на базата на навивачи на Светското фудбалско првенство за жени, кое треба да почне подоцна денеска.
Полицискиот комесар Ендру Костер изјави дека двајца цивили биле убиени, а наводниот сторител починал. Меѓу повредените има и полицаец, рече Костер и додаде дека бројот на жртви може да се зголеми.
Во ургентен центар биле однесени 10 лица од кои седум се здобиле со прострелни рани, додека повредите на другите тројца не се поврзани со огнено оружје.
Според Костер, наводниот сторител е 24-годишник кој порано работел на локацијата. Употребеното оружје не било забрането, но сторителот немал дозвола за огнено оружје.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект