Тројца Американци добитници на рекордниот џекпот од 1,5 милијарди долари
Тројца Американци ќе ја поделат рекордната премија од 1,5 милијарди долари од последното извлекување на лотаријата на САД.
Претставник на лотаријата изјави дека трите тикети со добитната комбинација од бројки се продадени во три различни сојузни американски држави - Калифорнија, Флорида и Тенеси, но засега се знае само дека еден од тикетите е продаден во едно од предградијата на Лос Анџелес.
Добитниците на премијата може веднаш да поделат сумата од 937 милиони долари или да го добијат целиот износ од својот дел од добивката во годишни рати во следните 29 години.
Премијата од 1,5 милијарди долари речиси сигурно темелно ќе им го измени животот на нејзините добитници, но голема е заработувачката и на државата, која како данок ќе наплати 39,6 отсто од добивката.
Ова е досега убедливо најголемата премија на американаката лотарија во историјата на САД. Претходно, рекордната премија беше извлечена во март 2012 година, кога изнесуваше 656 милиони долари.
Рекордниот џекпот се создаде, затоа што добитник на главната премијата немаше уште од 4 ноември. Тоа предизвика, во текот на вчерашниот ден и во последните часови пред извлекувањето, да се формираат долги редици во кои илјадници Американци настојуваа да уплтат тикети за да учествуваат во извлекувањето.
Во американаката лотарија не учествуваат шест од 50 сојузни држави на САД, па тоа предизвика многумнна да патуваат со часови, од државата каде нема лотарија, до некоја каде таа постои, за да учествуваат во трката по премијата.
Во Алабама, Мисисипи и Јута, нема лотарија од религиозни причини. Во извлекувањето не учествуваат ниту Аљаска и Хаваји, додека Невада нема лотарија, со објаснување дека таму се лоцирани најголемите казина во светот.
Ново на Сител
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива