Три медицински сестри од ГАК позитивни на Ковид-19, а доктор и директорката се во самоизолација
Три медицински сестри од Универзитетската клиника за гинекологија и акушерство се позитивни на Ковид-19. Се заразиле преку семеен контакт, а двајца доктори меѓу кои директорката на Клиниката, Викторија Јовановска се во самоизолација поради заболени членови на нивните семејства.
Ова за МИА денеска го потврди директорката Јовановска, која рече дека трите медицинските сестри се заразиле преку контакт од надвор, односно семеен контакт, а не на Клиниката.
– Ние двајцата доктори сме во самоизолација, не сме со решение, туку сме во самоизолација поради тоа што во семејствата имаме повеќе од тројца заболени. Се тестиравме и јас и докторот сме негативни. Мајка ми, сестра ми и внучето ми се позитивни и уште две внучиња од сестра ми се позитивни. Јас не сум имала контакт со медицинските сестри. И членови на семејството на лекарот исто така се позитивни. Поради тоа сме во самоизолација, посочи д-р Јовановска.
Додаде дека на Клиниката сите ги почитуваат протоколите за носење лична заштитна опрема.
– Во овие седум месеци никој не се заразил на Клиниката. Нема никаква опасност да се заразат пациенти и персонал. Од понеделник уште еднаш ќе се тестираме, да имаме негативен тест и ќе одиме на работа, додаде д-р Јовановска.
Ново на Сител
-
Захарова: Москва би можела да и врати на цела ЕУ поради протерувањето на дипломатите од Бугарија
-
Земјите-членки на НАТО ќе ги потпишат пристапни протоколи за Шведска и Финска
-
Приведен осомничениот за вчерашниот вооружен напад во Чикаго
-
За францускиот предлог дебата и во Собранието, продолжуваат реакциите за и против
-
Стевановиќ: Пораст на КОВИД случаите поради зголемената раздвиженост и малиот процент вакцинирани
-
Протести во Скопје за отфрлање на францускиот предлог
-
Претседателот на Советот на Европа Шарл Мишел во посета на Скопје
-
Превозниците од БиХ го прекинаа превозот на стоки поради високите цени на горивата