Три активни пожари утрово, најголемиот е на Криволак
Директорот на ЦУК Стојанче Ангелов рано изутринава со полициски хеликоптер изврши извидување на трите активни пожари, информираат од ЦУК.
Најголемиот пожар е на дел од подрачјето на воениот полигон Криволак каде што утрово со дејство врз огнот започнаа еден армиски и еден полициски хеликоптер. Воените магацини се дополнително осигурани и се безбедни. На самото место на Криволак е и директорот на ЦУК Ангелов.
– Вториот пожар е нов пожар кој го забележавме за време на хеликоптерското извидување и се наоѓа во атарот на с. Калуѓерица во близина на магистралниот пат Радовиш – Струмица каде е зафатена дабова шума и постоеше можност за проширување но благодарение на брзата интервенција на ТППЕ Радовиш пожарот е ставен под контрола, посочуваат од ЦУК.
Третиот пожар кој е активен од вчера е во атарот на с. Требичино, во општина Василево.
– Пожарот во текот на ноќта го намали својот интезитет, чади на некои места но нема видлив активен оган. Во овој момент на самото место се екипи на ТППЕ Струмица. Доколку се разгори дополнително ќе се донесе одлука за евентуално гаснење од воздух поради непристапноста на теренот, соопштија од ЦУК.
Во состојба на подготвеност за дејство е и Ер тракторот на Дирекцијата за заштита и спасување.
Популарно од Македонија
Ново на Сител
-
Лишен од слобода скопјанец баран со потерница за затворска казна од една и пол година
-
Пороен дожд и грмежи северозападно од Скопје, нестабилно и во Полог и Овче Поле
-
ЦУК: Регистрирани пет пожари на отворен простор, еден сѐ уште активен
-
Сиљановска-Давкова и Бројер: Македонија е кредибилен сојузник во НАТО, има простор за продлабочување на билатералната соработка
-
Мортус пијан тетовец со 2,49 промили алкохол сакал да ограби казино со нож
-
Мисајловски: Ги цениме германската поддршка и партнерство во развојот на нашата Армија
-
ЦУК: Активен пожар во кичевското село Србица, пожарот во селото Бајково во општина Ново Село под контрола
-
Платил 28.700 евра на лажен службеник за враќање на запленето злато, останал и без пари и без злато
