Трамп со маска на лицето повторно најави вакцина за коронавирусот до крајот на годината
Американскиот претседател Доналд Трамп вчера во Северна Каролина се појави со маска на лицето и зборуваше за можноста за добивање вакцина против коронавирусот до крајот на годинава, додека се обидуваше да ги убеди гласачите на оваа сојузна држава дека добро управува со кризата.
Трамп, чија популарност опаѓа во последните неколку месеци, бидејќи многу Американци веруваат дека лошо управува со пандемијата, го смени својот досега лежерен однос кон заразата.
-Верувам дека сите Американци ќе ја направат вистинската работа, но ние силно ги советуваме да се фокусираат, особено на одржувањето на социјалната дистанца и личната хигиена, да ги избегнуваат масовните собири и барови, и особено да носат маски таму каде има потреба за тоа, рече Трамп за време на обиколката на фабриката „Фуџифилм“ во Морисвил, во Северна Каролина, во која се спроведува дел од истражувањето за новата вакцина.
Трамп носеше маска додека ги разгледуваше постројките во фабриката.
-Слушнав многу добри работи. До крајот на годината мислиме дека сме на добар пат да успееме, рече американскиот претседател, осврнувајќи се на развојот на вакцина против коронавирус.
Северна Каролина е една од американските држави во која ќе има крајно неизвесна борба меѓу републиканскиот претседател и кандидатот за демократите Џо Бајден, и во која се очекува да се одлучи победникот на претседателските избори во ноември.
На изборите во 2016 година Трамп тесно победи во оваа драва, но сега токму во неа заостанува седум процентни поени зад Бајден.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп