Трамп: Ова е затишје пред бура
Ова е затишје пред бура, изјави американскиот претседател Доналд Трамп за време на фотографирањето со воениот врв и нивните сопруги во Белата куќа.
- Момци, знаете ли ова што значи? праша Трамп за време на вечерата во Белата куќа. Ова можеби е затишје пред бура, истакна американскиот претседател, предизвикувајќи низа реакции и шпекулации на американските медиуми.
Додека едни веруваат дека забелешката се однесува на борбата против „Исламска држава“, други веруваат дека бурата ќе биде предизвикана од повлекувањето на потписот на САД од договорот за нуклеарна програма со Иран. Сепак, најгласни се оние кои стравуваат дека оваа реплика можно е да се однесува на воен одговор на Северна Кореја.
- Во оваа просторија ги имаме најдобрите воени лица во светот, ќе ви го кажам тоа, рече Трамп.
На инсистирањето на новинарите да каже на што мислел, тој само кусо одговори: Ќе видите.
Засега Белата куќа не даде појаснување на оваа изјава на Трамп, која предизвика вознемиреност во САД.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата