Трамп отворен за идејата Путин да посредува меѓу Изрел и Иран
Претседателот на САД, Доналд Трамп, изјави дека е отворен за идејата рускиот претседател Владимир Путин да посредува за смирување на конфликтот меѓу Израел и Иран.
Трамп во интервју за Еј Би Си, рече дека за оваа можност станало збор во вчерашниот телефонски разговор со Путин.
– Ми се јави. Тој е подготвен. Долго разговаравме за тоа. Верувам дека ова ќе се реши, истакна Трамп.
Подготвност за можно руско посредување изрази и еден од сосработниците на Путин, Кирил Димитриев, кој кажа дека Русија би можела да игра „клучна улога“ како посредник во обидите да се спречи ескалацијата.
Трамп, претходно, на својата социјална мрежа Truth Social, објави и дека Иран и Израел наскоро ќе постигнат мировен договор.
– Иран и Израел треба да постигнат договор – и ќе постигнат. Исто како што успеав Индија и Пакистан да постигнат договор, напиша Трамп.
Сепак, во интервјуто за Еј Би Си, најави и можност за натамошна ескалација и вклучување на САД во конфликтот.
– Ние не сме вклучени во тоа. Можно е да се вклучиме, но во овој момент не сме вклучени, рече Трамп.
Ново на Сител
-
Активни пожари во кумановските и селата од општина Старо Нагоричане Бељаковце, Стрезовце, Сув Ора и во Руѓинце
-
ЦУК: Во текот на изминатото деноноќие, се регистрирани 33 пожари на отворен простор
-
Осум млади луѓе приведени за тепачка среде Тетово, еден од нив е повреден
-
Приведени три лица од Ресен, прегазиле и физички нападнале полициски службеници
-
Гори борова шума во кривопаланечкото село Нерав
-
Камбоџа и Тајланд се обвинуваат меѓусебно за артилериски напади
-
Муцунски учествуваше на првиот состанок на Балканската платформа за мир во Истанбул
-
Приведени четири возачи затоа што управувале возила под дејство на алкохол