Трајанов предлага формирање политичко-експертска влада
Пратеникот и лидер на Демократскиот сојуз Павле Трајанов смета дека актуелната политичка состојба во земјата дополнително се усложнува со синоќешната одлука на ДУИ за повлекување на министрите од Владата и предлага политичките партии да започнат разговори за евентуално формирање политичко-експертска влада.
- Ценам дека актуелните политички состојби во Македонија се исклучително сложени, но и натаму се усложнуваат со одлуката на ДУИ. Не ги знаеме точно кои се намерите на ДУИ, но би било добро доколку интенција би била да се формира една политичко-експертска влада која што ќе спроведе реформи за стабилизирање на состојбите во РМ, за деблокада на институциите во државата се со цел да се создаде позитивен амбиент за одржување на фер и демократски избори, изјави Трајанов денеска во Собранието.
Според Трајанов, проценките се повеќе од сигурно дека голем број обврски дефинирани во Договорот од Пржино не се исполнети така што не е можно одржување на предвремени парламентарни избори на 5 јуни.
- Добро е политичките партии да започнат разговори за политичка-експертска влада која ќе спроведе длабоки реформи во судскиот систем, службите за безбедност и други сегменти, вклучувајќи ги и медиумите, рече Трајанов.
Пратеникот Зулфи Адели од Унитети, поранешен пратеник на ДУИ, смета дека синоќешната одлука на неговата поранешна партија е политички трик кој ќе им овозможи на ВМРО-ДПМНЕ да има предвремени парламентарни избори на 5 јуни.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд